Weekend Hapdate...

Salam geng..Hari ni aku nak bermood noghoghi..Yakni den cakap noghoghi yolah..Paham tak paham, ekau orang paham2 kan lah yo..HEheheh...Den tau haghi ni senin..Tapi den totap nak cito kek korang apo den buek ujung minggu tadi..EH jap..TAdi ko?? bukan..smalam ngan kemarin..Hahaha..Den dah loyar burok sket ni..Den xdo la buek ektibiti gompak22 kan..Tapi pado den cukop la nak ngisik maso lapang...Nak baco, toruihkan la pembacooan anda..

Hari Sabtu, den cam beso la kojo separoh hari..Ntah hapo2 kono kojo haghi sabtu..Tapi ok la dari den dok tercongokk yo kek umah kn..Dapek yo duet..Hahaha..

Ni bukan den yo..

Habih yo kojo, den toruih plan ngan akak den g mlepak kek Soromban..Den poei la Soromban Parade tu..Sesajo jenjalan..Hengatkan nak poei botoan henpon den nih..Skali kek c2 takdo la serbis yang den nak tu..Sudah eh den ronda2 yo lah..

Sekali den lalu kek dopan kodai refelksologi..Den apo laei..Torjah yo la msuk..Den mmg dah lamo plan nak buek refleksologi nih..Cumo tak berkosompatan laei..Ni dah do poluang, den buek yo la..

Maaang aih...Lopeh buek refleksologi nih, memang lain macam raso eh.Sogar molobih22..Hahahaha

Banyak kebaikan buek refleksologi nih LINK..So, ekau orang rajin2 la buek yo..Tak rugi doh..Ni lagi satu site pasal bondo nih..Kot2 ado yang tak tau laei psl bondo ni kn..Hohoho...

Lopeh buek refleksologi tu, den sambung jenjalan laei..Pehtu den g mkn Big Apple.. Hoho..Den cokau 2 bijik yo...Den tak hengat plak apo namo donat tu..Den maen ngaaap yo...Janji masyuuukk...Nyamnyamnyam...

Dah pueh bojalan, den blik la.. Maso nak berehat la pulak kan..

Esok harinya, Ahad den buek operasi komeh bilik den..Hahaha...Daaaann......

Tara....camni la jadi bilik den *tipu*

Hahaha..fuuhh..Ntah bilo la bilek den nak jadi cenggini...Hahahaha..

Dah komeh bilik, basuh baju sumo dan poei pulak menyiapkan diri sobolom den masak tongahari..Menu eh sonang jo..Nasi Goreng Rerama..WAhahah...Weyh, xdo rerame dalam eh doh.Solamat untok dingaaap..Sesajo nak bori namo den kek nasi goreng tu..Hahaha...

Lopeh makan sumo, den toruih monapak dopan TB sampai la ko potang..Dari potang sambung sampai malam..Hahah..Camtu yo la kojo den kot takdo ektibiti luar..

Okeh..Den raso sekian yo la utk kali ni.Kot ado laei kang den hapdet laei k...

PS: Hohoho...mintak hampun mahap la kot tak paham..Ni pon lom pure noghoghi laei nih...Kot tak paham memano ayat ko perkataan ko, silo la jgn sogan nak tanyo den yo..Hehehehe